قصيدة لما جيت اكتب عن امي مكتوبة، يقول الشاعر الأم مدرسة إذا أعدتها أعدت شعبا طيبا الأعراق، قيل في الأم الكثير من الأشعار والكلمات الجميلة والرائعة التي تحظى باهتمام كل المتابعين الذين يبحثون دائما عن الأشعار التي تتعلق بالأمهات، خاصة مع حلول عيد الأم في شهر مارس فيقوم الأبناء بتجميع العديد من الأغاني والألحان وكتابة أحلى الكلمات والعبارات الخاصة بالأم، من بين تلك القصائد الجميلة هي لما جيت اكتب عن امي.
قصيدة لما جيت اكتب عن امي
تعتبر قصيدة لما جيت اكتب عن امي من أكثر القصائد التي قيلت في حب الأم للشاعر المصري الشهير هشام الجخ وهو من كبار الشعراء الكبار في جمهورية مصر العربية، مولود عام 1978 في مدينة سوهاج، وذاع صيته قبيل ثورة يناير المصرية، درس في كلية التجارة في القاهرة وحاز درجة البكالوريوس في جامعة عين شمس، تفرغ لكتابة الشعر والأدب وأقام العديد من الأمسيات الشعرية الجميلة والرائعة لعل من أبرزها تلك التي كانت في عام 2010 ميلادي.
لما جيت اكتب عن امي مكتوبة
في هذه الفقرة متابعينا الكرام نقدم لكم كلمات قصيدة لما جيت اكتب عن امي وهي من القصائد المشهورة للشاعر المصري هشام الجخ، وهي كالتالي:
- لما جيت أكتب عن أمي
قولت عنها شايلة همي
قولت دي بتجري في دمّي
قولت ياما حاجات كتير مش جديدة
لما جيت أكتب عن أمي عاجزة قدامي القصيدة
شايلة سِرّي ..
كان زمان بيني و بينها حبل سُرّي
اتقطع يوم الولادة و اتوصل حبل الوداد
حب متحولش عادة من كلام رب العباد
حبها أصلا عبادة
في التعب كانت بتسأل
جه مؤنث جه مذكر
جه بيضحك جه مكشر
جه على الدنيا بسلامة
وقتها ماكنتش بفكر
كنت بابكي و كانت بتحضن بابتسامة
وقتها مكنتش بفكر
ده الضنا جه من الضنى
لما جيت أكتب عن أمي لاقتني بكتب عني أنا
لما جيت أكتب عن أمي عاجزة قدامي الحروف
قام الألِف زعّق وقف
قاللي ما تفهم يا ولا
ده أنا مشترك في اسم من لا شريك له
و أول الاسم الألِف
و أول الأم الألِف
و دي مش صدف
ربك بيخلق من العدم خلق الألم وهنا على وهن
شالتني لحد ما بلغت الحُلُم
و ياما بتدلّع عليها و ياما بتمنّع عليها
و ياما حاوطتني بجناحها
و ياما دمعت في عينيها
و من أيديا تاتا تاتا
و رجلي داست على البلاطة
و داس عليها عجل زماننا
و كانت بتحضني ببساطة
و لما بتعب كانت بتتعب كانت تطبطب
كانت تجيبلي الشوكلاتة
كبرت فجأة
لاقتني بزهق من كلامها عن السجاير
عن العيال اللي مصاحبهم على الدراسة
خش ذاكر!
اجي اتدلع تقوللي ده أنت راجل
ده اللي قدك دخلوا دنيا
بص يا ابني
خلي بالك دي السنين زي الكلونيا
تحطها بتطير بسرعة
ماتلاقيش لهواها ريحة
السنين بجحة و صريحة
أمي مابتعرفش تجرح
بس ياما باتت جريحة
لما جت وقفت قصادي
قالتلي أنت امتدادي
أنت نور عيني اللي شبهي
أنت دونا عن ولادي
وقتها أنا كنت غاوي للغناوي
كنت أسيبها قاعدة و انزل اترمي في حضن القهاوي
هي ديا أحلى عيشة
هاتلي نار على فحم شيشية
هاتلي طاولة
أمي دي فاكراني طيشة
لأ دة انا راجل بشنبي
بصوا دقني
و اما جالي الحزن داقني
و الزمان خد مني خانة
الدوا اللي عند امي
مش لاقيه ف الاجزخانة
كل ليلة كنت برجع و الدُعا صالبلي ضهري
و التعب فارد طريقي و السنين بتقولي اجري
في الزمن عمال بسابق
بلتقي بحضن بفارق
زحمة الدنيا خدتني
مفتكرهاش إلا لما بس الاقي الاكل حادق
أنت فين مش عارف اكل
اقعدي جانبي تعالي اسمعي آخر المهازل
مرة واحد حب ينجح قاله عنه انّه فاشل
مرة واحد حب واحدة بس سبها لأنه عاطل
قالوا عني إني شبهك
قالوا واخد شكل شعرك
ضعف نظرك
و السنان البايظة منك
ياما جرحوني يا أمي و بدعاكي جت سليمة
هما لما يقولوا عني ابن أمي دي شتيمة!
كملي جميلك يا أمي و بعد عمر طويل أوي
روحي للرحمن قوليله ان ابني بيحبني أوي
ياما زعلني و سامحته
ياما زعقلي و كان يكفيني بس اشم ريحته
كان بينسى يقولي شكرا وانا باديه من حياتي
بس أنا و انت اللي عالِم كنت بدعيله يوماتي
ربنا يهديه يسامحه
كان كتير يصعب عليا لما اشوف في عيونه جرحه
مهما يعمل لسة ابني اللي كان في اللفة خايف
مهما ينطق لسة سامعة ماما من أصغر شفايف
كملي جميلك يا أمي
و روحي للرحمن قوليله
هو ابني امتدادي
هو نور عيني اللي شبهي
و اما جيت أكتب عن أمي
برضه كل كلامي عادي
من هو الشاعر هشام الجخ
الشاعر المصري الكبير هشام الجخ هو واحد من أبرز الشعراء في الوطن العربي والخليجي، حيث قدم العديد من الكلمات التي تتعلق بالأشعار المصرية المعاصرة لعل من أبرز تلك الأشعار الخاصة بالأم حيث تم نشرها على مواقع التواصل الإجتماعي ومواقع الإنترنت.
قصيدة لما جيت اكتب عن امي هي من القصائد الجميلة والرائعة التي نالت اعجاب عدد كبير من المحبين للشاعر هشام الجخ، الذي كتب العديد من القصائد المتنوعة.
